Google Kartalar hyzmaty Gemini generatiw emeli aň funksiýalaryna eýe bolar. Bu täzelik ulanyjylara baryp görmek we güýmenje-gezelençler üçin ýer saýlamakda ugur görkeziji bolup hyzmat eder.
Indi Google Kartalar belli ugurlardaky çäreler barada maslahat berip biler we beýleki ulanyjylaryň seslenmelerine esaslanyp, çäräniň ruhuny has doly göz öňüne getirmäge mümkinçilik berer.
Hyzmatyň nawigasiýa aýratynlyklaryny ulanýan sürüjiler gözel ýerleri, restoranlary we tebigat gözelliklerini göz öňünde tutup, öz ýol ugrunda duralgalary goşup bilerler.
Wizual tarapdan gowulaşdyrylan karta hereketiň zolagyny, pyýada geçelgelerini we ýol belliklerini has takyk görkezer. Mundan başga-da, kartalar öwrülmeli ýeri duşuňdan geçirmezlik üçin haýsy zolakda bolmalydygyny görkezer.
Mundan başga-da, şu wagta çenli 150 şäherde elýeter bolan täze jikme-jik görmek aýratynlygy täzelenen obýektleri hem-de awtoulag duralgasy we barylýan ugurda howanyň ýagdaýy ýaly, peýdaly maglumatlary öz içine alar.
Käbir täze aýratynlyklar indiki hepde ABŞ-da, soňra bolsa dünýäniň beýleki ýurtlarynda ulanyjylar üçin elýeterli bolar.
