Amerikaly ýazyjylar Türkmenistana geldiler

  • 07.11.2024 02:20
  • 7k+

ABŞ-nyň Aýowa uniwersitetiniň Halkara ýazyjylyk maksatnamasynyň we Magtymguly Pyragynyň doglan gününiň 300 ýyllygynyň bellenmeginiň çäginde amerikan edebiýatynyň tanymal şahslary Haleh Liza Gafori we Kristofer Merrill Aşgabada geldiler.

Myhmanlar türkmenistanlylary ýazyjylyk ussatlygy we ABŞ-nyň medeniýetiniň inçe syrlary bilen tanyşdyran birnäçe döredijilik agşamyny geçirdiler diýip, "Türkmenistan: Altyn asyr" elektron neşiri habar berýär.
Ýakynda olar iňlis dilini öwrenýän ýaşlar bilen söhbetdeş bolup, öz durmuşlary, dürli ýazyjylaryň eserlerini terjime etmek tejribeleri we döredijilik hem çeper beýan ediş endiklerini ösdürmäge kömek edýän edebi usullar barada gürrüň berdiler.
Kristofer Merrill amerikaly şahyr, ýazyjy, žurnalist we terjimeçi. Ol Aýowa şäheriniň ÝUNESKO-nyň «Edebiýat şäheri» diýlip atlandyrylmagyna sebäp bolan başlangyja ýolbaşçylyk edipdir. Aýowa uniwersitetiniň Halkara ýazyjylyk maksatnamasynyň ýolbaşçysy hökmünde bu okuw mekdebiniň işi barada çykyş etdi.
Agşamyň dowamynda çekişmä gatnaşýanlar Gündogaryň beýik şahyry we akyldary Magtymguly Pyragynyň mirasynyň türkmen halky üçin ähmiýeti barada öz pikirlerini beýan etdiler we goşgularyny türkmen dilinde okadylar. Milli diliň owazy myhmanlara aýratyn şatlyk getirdi.
Daşary ýurtly ýazyjylar, öz gezeginde, Magtymgulynyň şygryýetini diňe bir asyl nusgada däl, eýsem, köp sanly okyja elýeterli etmek üçin başga dillere terjime etmegiň hem möhümdigini bellediler.
Mysal üçin, ýerine ýetiriji artist, şahyr, terjimeçi, sazanda we mugallym Haleh Liza Gaforiniň asly eýranly. Onuň döredijilik işiniň ajaýyp miwesi pars şahyry Jelaleddin Rumyniň eserleriniň iňlis diline terjimesi boldy. Gündogar şygryýetini çuňňur duýmak bilen Gafori Rumynyň paýhasly filosofik we şahyrana mirasyny köpçülige ýetirmegi başardy.
Has düşnüklilik üçin ol Rumynyň goşgularyndan parçalary asyl nusgada okamak bilen, çykyşyny gündogar şygryýetini ýerine ýetirmek boýunça ussatlyk synpyna öwürdi.
«Dünýä edebiýaty» we «Garagum» žurnallarynyň, şeýle hem «Nesil», «Edebiýat we sungat» gazetleriniň wekilleri bilen «tegelek stoluň» geçirilmegi medeni alyş-çalşyň möhüm bölegi boldy. Duşuşykda häzirki zamanda edebiýatyň wajyp mowzuklary, neşirýat işleriniň aýratynlyklary we türkmen hem amerikan ýazyjylarynyň arasyndaky hyzmatdaşlyk mümkinçilikleri ara alnyp maslahatlaşyldy.
Saparyň çäginde amerikan edebiýatynyň wekilleri ýurdumyzyň taryhy ýadygärliklerine baryp görerler we Daşoguz hem Mary şäherlerinde döredijilik agşamlaryny geçirerler.


düýn 10:08
1.8k+

Türkmenistanyň Döwlet sirki şowhunly çykyşlaryna çagyrýar

Türkmenistanyň Döwlet sirki Aşgabadyň ýaşaýjylaryny we myhmanlaryny sirk tomaşasyny görmäge çagyrýar. 5-nji oktýabrda sagat 19:00-da geçiriljek çykyşlarda dürli sirk oýunlary, artistleriň täzeden-täze şowhunly...

01.10.2025 13:41
6.9k+

EXPO-2025 sergisinde Türkmenistanyň pawilýonyna baryp görenleriň sany iki milliondan geçdi

Osakada geçirilýän EXPO-2025 Bütindünýä sergisinde Türkmenistanyň milli pawilýonyna şu güne çenli 2 milliondan gowrak adam baryp gördi. Bu barada serginiň guramaçylary habar berdi. Häzirki ýagdaýa çenli türkmen pawilýonynyň saýtyndaky maglumata görä, bu san 2 mln 5 müň adamdan geçdi we bu san artmagyny dowam edýär...

29.09.2025 15:50
13k+

Türkmenistanda hepdelik howa maglumaty (29.10 - 05.10)

Türkmenistanda şu hepdede howanyň temperaturasynyň kem-kemden peselmegine garaşylýar, käbir ýerlerde bolsa ýagyş ýagmagy mümkin. Gije-gündiziň dowamyndaky howanyň ortaça temperaturasy +35 gradusa çenli aralykda üýtgär...

29.09.2025 14:43
8.1k+

«Ofis» teleserialynyň ýyldyzlary «Kim millioner bolmak isleýär?» gepleşiginde 1 mln dollar utdular

Meşhur «Ofis» sitkomynyň aktýorlary Keýt Flenneri we Oskar Nunýes «Kim millioner bolmak isleýär?» amerikan telegepleşiginde baş baýragy, ýagny 1 million dollar gazandylar. Olar bu puly haýyr-sahawat gaznalaryna ugratmagy meýilleşdirýärler...