OPEK+ ýurtlary 2024-nji ýylyň ahyryna çenli nebitiň gazylyp alynmagyny artdyrmazlyk kararyna geldi. Guramanyň saýtynda habar berlişi ýaly, geçen ýylyň noýabr aýyndan bäri hereket edýän önümçiligi günde 2,2 mln barrel meýletin azaltmak baradaky şertnama ýene bir aý – dekabr aýynyň ahyryna çenli uzaldyldy.
Ilkibaşda OPEK+ ýurtlary 2024-nji ýylyň oktýabrynda nebitiň gazylyp alynmagyny günde 180 müň barrel artdyryp, önümçiligiň ösüşini dikeltmegi meýilleşdiripdi, bu 35,782 mln barrel derejä ýetilmegine getirerdi. Ýöne sentýabr aýynda Yrak, Gazagystan we Russiýa ýaly birnäçe ýurt tarapyndan ýylyň ilkinji ýedi aýynda kwotalaryň artdyrylmagy sebäpli çäklendirmeleri ýatyrmagyň möhletini iki aý yza süýşürmek kararyna gelindi.
