Denni Boýluň “Oskar” baýragyna eýe bolan “Harabalykdan çykan millioner” (Миллионер из трущоб) dramasy mýuzikl görnüşinde Brodweý sahnasyna geçiriler. Bu barada Variety neşiri habar berýär.
Taslama üçin täze aýdymlary asyl filmiň kompozitory A.R.Rahman düzer. Mýuziklde meşhur “Jai Ho” aýdymy-da ýaňlanar. Premýeranyň takyk senesi we aktýorlar düzümi heniz belli däl. Prodýuserleriň hatarynda Brodweýde “Surok gününi” (День сурка) uýgunlaşdyran Ken Dewenport bar.
“Harabalykdan çykan millioner” 2008-nji ýylda ekrana çykdy. Lentanyň sýužeti “Kim millioner bolmak isleýär?” teleoýnunda ýeňişden bir ädim yzda bolan Mumbaýdaky harabalykdan çykan ýetim (Dew Patel) barada gürrüň berýär. Film 278 mln dollar gazandy we sekiz “Oskar” baýragynyň eýesi boldy.
