Amerikanyň “Ford Motor” kompaniýasy elektrohereketlendirijili F-150 “Lightning” pikabynyň önümçiligini ýedi hepdelik bes etmegi meýilleşdirýär. Bu barada CNBC habarlar gullugy habar berdi.
Önümçiligiň togtadylmagynyň sebäbi - meşhur pikaba bolan isleg garaşylyşyndan pes boldy, bu bolsa ammarlarda ätiýaçlyklaryň artyp gitmegine getirdi.
Ford öz beýanatynda: "Satuwyň ösüşini we düşewüntliligini optimal deňleşdirmek üçin önümçiligi sazlamagy dowam etdirýäris" diýip belleýär.
Detroýt şäheriniň golaýynda ýerleşýän Rouge Electric Vehicle Center zawody 18-nji noýabrdan 2025-nji ýylyň 6-njy ýanwaryna çenli önümçiligini togtadar. Bu döwürde sagatlaýyn iş hakly, takmynan, 730 işgär işden boşadylar.
Çeşmäniň habarynda F-150 “Lightning” modeliniň satuwynyň şu ýyl 86% ýokarlanandygy aýdylýar. Muňa garamazdan, Ford dilerlere uly möçberde arzanlaşyklary berýändigi sebäpli ulaglaryny zyýanyna satmagyny dowam edýär diýip, interfax.ru ýazýar.
