Günde iň ýokary klasa degişli edilýän X2.0 derejesindäki alawlama hasaba alyndy. Bu barada Russiýanyň Ylymlar akademiýasynyň Kosmos gözlegleri institutynyň Gün astronomiýasy barlaghanasyna salgylanyp, RBK habar berýär.
Alawlama güýçli magnit tupanlaryna getiren öňki wakalardan belli bolan 3878 işjeň zolagynda ýüze çykdy.
Hünärmenleriň maglumatlaryna görä, alawlamanyň şöhle goýbermeginiň iň ýokary derejesi Aşgabat wagty bilen 02:20-de Ýeriň orbitasynyň golaýynda hasaba alyndy. Şeýle güýçli alawlama Ýere ýetip, magnit hadysalaryny döredip biljek Gün plazmasynyň zyňyndylaryna sebäp bolup bilýär.
Hünärmenler alawlamadan Ýere tarap esasy zarbanyň bolmajakdygyny, sebäbi partlama zolagynyň planeta, takmynan, 30 gradus burçda ýerleşendigini belleýärler. Şol bir wagtyň özünde, magnit tupanlarynyň bolmak ähtimallygy saklanýar. Hünärmenler hut şu işjeň zolagyň üç hepde mundan ozal X1.8 derejeli partlamadan ikinji iň güýçli magnit tupanyny döredendigini ýatlap geçdiler.
