Donald Trampyň metbugat paýnamasy bolan "Trump Media & Technology Group" (TMTG) ABŞ-da geçiriljek prezident saýlawlary netijesinde ep-esli ösüş gazandy diýip, 3dnews.ru ýazýar. Sosial ulgamy Truth Social-a eýeçilik edýän kompaniýa Ilon Maskyň eýeçiligindäki X-dan (öňki Twitterden) has gymmatly boldy.
“The Guardian” gazetiniň maglumatyna görä, TMTG-niň bazar kapitalizasiýasy 10,3 milliard dollara ýetip, X platformasynyň 9,4 milliard dollarlyk bahasyndan öňe geçdi.
Sişenbe güni geçirilen söwda wagtynda TMTG paýnamalary 8,8% ýokarlandy, bu görkezijileriň ýokarlanmagy hem-de üýtgäp durmagy söwdanyň wagtlaýyn togtadylmagyna sebäp boldy.
Soňky hepdelerde TMTG Trampyň işjeň saýlawlary wagtynda gymmatyny üç esse ýokarlandyrdy. Trampyň TMTG-däki şahsy paýy indi 5,9 milliard dollar boldy.
Truth Social-yň iň pes ulanyjy bazasyna garamazdan (sentýabr aýynda 13,5 million), X-yň 706,2 milliony bilen deňeşdirilende, maýadarlar TMTG-iň paýnamalaryna gyzyklanma bildirmegini dowam etdirýärler. Analitikler bu ösüşi kiçi maýadarlaryň arasynda meşhurlygyň gymmatynyň düýpgöter üýtgemegine sebäp bolýan “meme aksiýalary” (Meme Stocks) hadysasy bilen baglanyşdyrýarlar.
