2025-nji ýylyň “Altyn topuny” kim alar: Goal dalaşgärleriň ilkinji reýtingini hödürledi

Futbol habarlary boýunça iň iri saýtlaryň biri bolan Goal.com 2025-nji ýylyň jemi boýunça “Altyn top” baýragyny almaga mümkinçiligi uly bolan 15 futbolçynyň reýtingini hödürledi. Bu sanawda Kataloniýanyň “Barselonasynyň” polşaly hüjümçisi Robert Lewandowski birinji orny eýeleýär. Ikinji orunda “Barselonanyň” ýene bir zehinli oýunçysy Lamin Ýamal ýerleşýär.

Saýt tarapyndan düzülen reýtingiň doly görnüşi şeýle:

1. Robert Lewandowski (“Barselona”)
2. Lamin Ýamal (“Barselona”)
3. Winisius Žunior (Madridiň “Realy”)
4. Erling Holand (“Mançester Siti”)
5. Rafinýa (“Barselona”)
6. Garri Keýn (“Bawariýa”)
7. Mohamed Salah (“Liwerpul”)
8. Kilian Mbappe (Madridiň “Realy”)
9. Pedri (“Barselona”)
10. Bukaýo Saka (Londonyň “Arsenaly”)
11. Florian Wirs (“Baýer”)
12. Koul Palmer (“Çelsi”)
13. Kristian Pulişiç (“Milan”)
14. Maýkl Olise (“Bawariýa”)
15. Jamal Musiala (“Bawariýa”)

Ýatlap geçsek, 2023/2024 möwsüminiň jemi boýunça “Altyn top” baýragyny Rodri aldy. Baýrak üçin ses berişlikde ikinji orny Madridiň “Realynyň” braziliýaly oýunçysy Winisius Žunior eýeledi. Onuň topardaşy Jud Bellingem bolsa üçünji boldy.