"Boeing Co." 112,5 million aksiýa satyp, takmynan, 21 milliard dollar toplady. Bu taryhda jemgyýetçilik kompaniýasy tarapyndan iň köp satylan paýnamalaryň birine öwrüldi diýip, Bloomberg ýazýar.
Uçar öndüriji kompaniýa paýnamalaryň her birini 143 dollardan satdy. Bäşinji günde ýapylýan her paýnama 155.01 dollar töweregi bahada, takmynan, 7,7% arzanladyş bilen satyldy.
Şeýle hem hökmany konwertirlenýän, artykmaç paýnamany görkezýän 5 milliard dollarlyk depozitar paýnamalar çykaryldy.
Kompaniýa dördünji çärýekde 4 milliard dollara we ýylyň dowamynda umumy mukdary 14 milliard dollar töweregi pul akymyň bolmagyna garaşýar. Krizis döwründe Boeing gysga möhletli goşmaça likwidligi üpjün etjek üçin 10 milliard dollarlyk karz şertnamasyna gol çekdi.
Ýygnalan serişdeler täze baş direktor Kelli Ortbergiň esasy maksatlaryndan biri bolan maliýe balansyny berkitmäge gönükdirilendir.
11-nji oktýabrda Ortberg işgärlere ýazan ýatlatmasynda kompaniýanyň işgärleri, takmynan, 10% azaltmak meýilnamasyny mälim etdi.
Boeing-iň maliýe ýagdaýyna birnäçe ýyllap dowam eden iş kynçylyklary, 737 Max uçarynyň önümçiligini şowsuz eden iş taşlaýyşlary ýaly birnäçe faktorlar zeper ýetdi. Geçen hepde Boeing zawodynyň işgärleri dört ýylyň dowamynda 35% aýlyk hak artdyrylmagy öz içine alýan kompaniýanyň soňky şertnamaly teklibini ret etmek üçin ses berdiler.
Mundan başga-da, geçen hepde-de Boeing 6,17 milliard dollarlyk ýitgini görkezýän çärýekleýin hasabatyny neşir etdi. Kompaniýa indi kynçylykly kosmos kapsulasy programmasynyň geljegi üçin wariantlara baha berýär.
Kompaniýa 2025-nji ýyla çenli pul ýitirmegini dowam etdirjekdigini çaklaýar.
Kompaniýanyň paýnamalary şu ýyl 42% töweregi aşaklady, ol "Dow Jones" senagat pudagynda ikinji erbet görkeziji bolup durýar diýip, ru.investing.com habar berýär.
