Saud Arabystanynda kub şekilinde dünýäde iň uly bina gurlar. Bloomberg agentliginiň maglumatlaryna görä, Mukaaba diýlip atlandyrylan binanyň diwarlarynyň uzynlygy we beýikligi şeýle desga üçin rekord 400 metr bolar.
Özboluşly bina Er-Riýadda dynç alyş merkezine öwrüljek täze Nýu Murabba sebitiniň esasy elementi bolar.
New Murabba Development Co. kompaniýasy eýýäm Mukaabany gurmaga taýýarlyk görmek üçin 10 mln kubometrden gowrak toprak gazdy. Geljek 12 aýda binada we onuň çäklerinde dynç alyş edaralaryny, okuw edaralaryny we lukmançylyk edaralaryny, şeýle-de 45 müň orunlyk stadiony döretmek üçin onlarça milliard riallyk şertnama baglaşmak meýilleşdirilýär.
Kub dünýäde ilkinji doly ýapyk diň bolup, 500 otagly oteliň myhmanlaryna dünýäniň dürli künjeklerine “syýahat etmäge” mümkinçilik berýän golografiki şekiller bilen gümmezi öz içine alar.
“Siz içinde wagtyňyz, gümmezi görüp bilmersiňiz. Siz Serengetide ýatyp, Nýu-Ýorkda oýanyp bilersiňiz. Siz onuň ysyny, özüni duýup, oňa el degrip bilersiňiz” – diýip, New Murabba-nyň baş müdiri Maýkl Daýk taslamany beýan etdi.
Taslamanyň birinji tapgyry 2030-njy ýyla çenli durmuşa geçiriler we 35 müň töweregi adam üçin 8000-e golaý jaý gurlar.
