“Kesgir gaşlar” (“Острые козырьки”) serialy bilen tanalýan ssenariýaçy Stiwen Naýt “Ýyldyz söweşleri” boýunça täze taslamadan gitdi. Bu filmiň relizi 2027-nji ýylyň 17-nji dekabryna meýilleşdirilýär we häzir Lucasfilm studiýasy başga bir ssenariýaçy gözleýär diýip, Variety habar berýär.
Naýt taslama 2023-nji ýylyň ýazynda goşulyp, öňki ssenariýaçylar Deýmon Lindelof (“Diri galmak”) bilen Jastin Britt-Gibsonyň ornuny çalyşdy. Onuň gitmeginiň sebäbi aýan edilmeýär, ýöne indi önümçilik 2025-nji ýyldan ir başlamaz.
Film dokuzynjy bölümden (“The Rise of Skywalker”) soňky wakalary gürrüň berer, bu ýerde Deýzi Ridliniň janlandyrmagyndaky baş gahryman Reý ýaş jedaýlaryň akademiýasyny döredýär. Lentanyň režissýory “Oskar” baýragynyň eýesi Şarmin Obaid-Çinoýdyr (“Hanym Marwel”).
Häzir Stiwen Naýt “Kesgir gaşlaryň” doly metražly filminiň üstünde işleýär. Şeýle-de, ol “Mariýa” biografik filminiň ssenariýaçysy bolup çykyş etdi, filmde Anjelina Joli meşhur opera aýdymçysy Mariýa Kallasyň roluny ýerine ýetirdi.
