Türkmen türgenleri Buharada (Özbegistan) geçirilen el göreşi boýunça dünýä çempionatynda 4 sany bürünç medal gazandylar. Bu barada "Türkmenistan: Altyn asyr" elektron neşiri habar berýär.
Bäsleşige 34 döwletden 300-den gowrak türgen gatnaşdy. Türkmenistandan bäsleşikde 9 türgen wekilçilik etdi.
Bürünç medal gazananlar: Toýly Bazarow (57 kg agrama çenli, tälimçisi Serdar Borjakow), Mary welaýatyndan Hajyyslam Garabekow (67 kg çenli, tälimçisi Ähmet Hanow), Lebap welaýatyndan Süleýman Allaýew (73 kg çenli, tälimçisi Şöhrat Allaýew) we Aşgabatdan Kasym Ýazmyradow (86 kg çenli, tälimçisi Orif Buharakow).
