Noýabr aýynda Ýeriň ýaşaýjylary seýrek astronomiki hadysany synlap bilerler: Aý şuglasy bilen planetalary, ýyldyz toparlary ýaly dürli asman jisimlerini bäş gezek gurşap alar. TASS muny Moskwa Planetariýasynyň metbugat gullugyna salgylanyp habar berýär.
Astronomlar: "Noýabr aýynda planetalaryň, ýyldyzlaryň we ýyldyz toparlarynyň bäş gezek tutulmasy (okkultasiýasy) bolar" diýip aýdýarlar.
Onuň ilkinji hadysasy 4-nji noýabrda Antares ýyldyzlarynyň Aý tarapyndan örtülmegi (okkultasiýasy) bilen bolup geçer. Hadysa Ýuwaş ummanyndan görner. Soňra 11-nji noýabrda Saturny Ýeriň tebigy hemrasy şugla bilen örter. Muny Amerikanyň ýaşaýjylary synlap bilerler.
Şeýle-de 12-nji noýabrda Aý Neptuny gurşap alar. Onuň yzysüre, ýagny 16-njy noýabrda dolan Aý ýiti şuglasy bilen Pleýad açyk ýyldyzlar toparyny, 27-nji noýabrda bolsa Spika ýyldyzyny gurşap alar. Hadysalaryň üçüsi-de Demirgazyk Amerikadan görner.
