Russiýaly Alina Lysenko welotregiň git görnüşi boýunça 500 metr aralygy birinji bolup tiz geçdi we dünýä rekordyny täzeledi.
Zenan türgeniň rekord görkezijisi Krylatskoýda geçirilen Russiýanyň milli çempionatynda hasaba alyndy diýip, rbc.ru habar berýär.
Alina Lysenko bellenen aralygy geçmek üçin 26,750 sekunt netijäni görkezdi. Bu 2016-njy ýylyň dekabrynda nemes türgeni Kristina Wogeliň (28.970) görkezen netijelerinden üstün geldi.
21 ýaşly Lysenkonyň ýazgysy Halkara welosiped birleşigi (UCI) tarapyndan entek tassyklanmady. Ýöne bu görkeziji ony ýaryşyň sanawynyň ilkinjileriniň hataryna çykardy.
Maglumat hökmünde bellesek, Alina Lysenko sportuň bu görnüşi boýunça ýetginjekleriň arasynda üç gezek dünýä çempionydyr.
Welotregiň git görnüşinde wagt bilen tizlik esasy zat hasaplanýar. Tizlige çalt ýetmek we bellenen aralygy ilkinji bolup geçmek türgen üçin şertdir. Onda başga taktika ýok.
