“Betmen” älemine esaslanýan “Pingwin” serialynyň bäşinji bölümi görkezilen güni ABŞ-da 1,8 million tomaşaçyny özüne çekdi. Bu şu ýyl ABŞ-da çykan ähli teleseriallaryň arasynda iň ýokary bir günlük netijedir.
Gagadget portalynyň belleýşi ýaly, otrisatel gahryman Oz Kobbuň (Pingwin) keşbini Kolin Farrelliň ýerine ýetirmegindäki serial uly islegden peýdalanýar. Deňeşdirmek üçin, dördünji bölüm 1,7 million tomaşa ýygnady. Birinji bölüme bolsa relizinden bäri 14 milliondan gowrak adam tomaşa etdi.
Ssenariýaçy Loren LeFrank tarapyndan taýýarlanan sekiz bölümli taslama “Betmen” filminiň (2022) wakasyny dowam etdirýär, bu ýerde Farrelliň personažy ilkinji gezek peýda bolupdy.
Serialyň sýužeti Gotemde güýçli jenaýat hojaýynyna öwrülýän Oz Kobbuň ýoluny açyp görkezýär. Taslamanyň ýerine ýetiriji prodýuseri hökmünde doly metražly “Betmeniň” režissýory Mett Riwz çykyş etdi.
