Bentley awtoulaglar üçin futuristik drony patentledi

  • 23.10.2024 10:03
  • 6.7k+

Bentley kompaniýasy awtoulag pudagynda birnäçe jedelleri döreden futuristik drony patentledi. Käbir bilermenler bu hereketi batyrgaý täzelik diýip atlandyrsalar, beýlekiler munuň peýdalydygyna şübhelenýärler diýip, Tork.buzz habar berýär.

Bentley-iň wekilleriniň sözlerine görä, ösüşiň maksady täze tehnologiýalary we ykjamlyk mümkinçiliklerini öwrenmek.
Dört sany kiçijik propeller bilen enjamlaşdyrylan dron kapotyň aşagyndaky ýörite bölümden uçurylar we howa göterilenden soň, Bentley-ni sürmegi has amatly we ygtybarly edip, dürli işleri ýerine ýetirip biler.

“Aýdaly, siz ýol dykynynda galyp, ondan çykmak üçin başga ugur gözleýäňiz. Ýa-da ondanam beteri, söwda merkeziniň haýsy ýerinde ulagyňyzy goýanyňyz ýadyňyza düşenok diýeli. Bu kiçijik dron öňe uçup gidip, awtoulag duralgasyndan  boş ýeri tapyp biler, awtoulagyňyza tarap ugrukdyryp ýa-da heläkçilige uçrasaňyz gyssagly kömek hyzmatlaryna duýduryş iberip biler "- diýip, brendiň wekilleri mälim etdiler .

Dron gaty ýokardan uçup bilýär, ol awtonom dolandyryş we nawigasiýa ulgamlary, daşky gurşaw barada maglumatlary ýygnamak üçin kameralar we datçikler bilen enjamlaşdyrylandyr. Bu tehnologiýalar geljekki Bentley awtoulaglarynda ulanyp boljak täze materiallary barlamak üçin ulanylyp bilner.
Dron diňe bir awtoulag pudagynda däl, eýsem logistika we howpsuzlyk ulgamlarynda hem ulanylyp bilner diýip garaşylýar. Mysal üçin, ony ownuk ýük daşamakda ýa-da ýol howpsuzlygyny üpjün etmekde ulanylyp bilner.

düýn 13:59
1.8k+

Manhart awtobezeg ussahanasy Porsche 911 Turbo S-iň kuwwatyny 1000 at güýji töweregi ýokarlandyrdy

BMW awtoulaglaryna niýetlenen taslamalary bilen tanalýan nemes Manhart týuning-atelýesi Porsche 911 Turbo S-iň 992 nesli üçin üýtgeşmeler toplumyny hödürledi. Täze sazlaýyş bukjasyna TR 900 II diýilýär. Onuň kömegi bilen 3,8 litrlik oppozit hereketlendirijisiniň güýji 650-den 922 at güýjüne, torky 800-den 1090 Nm-a çenli ýokarlandy...

düýn 13:53
2.3k+

BMW iýul aýyndan başlap täze awtoulaglarynyň bahasyny galdyrar

BMW 2025-nji ýylyň 1-nji iýulyndan başlap 2026-njy ýylyň model hataryndaky awtoulaglarynyň hemmesiniň diýen ýaly bahasyny galdyrar. Muňa diňe käbir modeller degişli bolmaz diýip, awtoulag öndürijisiniň dilerler üçin içerki habaryna salgylanýan CarsDirect habar berýär...

10.06.2025 12:33
3.4k+

Ford 80-nji ýyllaryň retro äheňinde, ýöne häzirki zaman aýratynlyklar bilen Mustang hödürledi

Ford 1980-nji ýyllaryň meşhur Fox Body maslkarynyň dizaýnyndan ylhamlanan FX retro-paketli  Mustang 2026-nyň ýörite wersiýasyny çykarar. Täzelenen wersiýa wintaž stiliniň elementlerini häzirki zaman tehnologiýalary bilen utgaşdyrýar...

10.06.2025 12:14
3.6k+

700 at güýji bolan Porsche 963 RSP giperkary indi köpçülikleýin ýollarda gatnap ugrady

Porsche kompaniýasy 963 LMDh ýaryş modeliniň ýol görnüşi bolan 963 RSP giperkaryny görkezdi. Taslama Martini & Rossi-niň eýesi üçin köçä niýetlenen Porsche 917-niň döredilmeginiň 50 ýyllygyna gabatlandy. Ol ýakynda geçiriljek “Le-Manyň 24 sagady” ýaryşy bilen baglanyşykly...