Nissan kompaniýasy Qashqai krossoweriniň täze wersiýasy bolan Honor Edition-yň Hytaý bazarynda satuwa çykarylandygyny habar berdi. Bu barada IT Home habar berýär.
Täze model 14 müň dollarlyk Sincerity we 15,3 müň dollarlyk Leadership komplektasiýalarynda elýeterli bolar.
Honor Edition öň Ýewropada satuwa çykarylan Qashqai wersiýasynyň täzelenen görnüşi. Şeýle-de, Hytaýda Qashqai Classic ady bilen öňki wersiýa hem hödürlenýär.
Awtoulag 18 dýuýmlyk tigirler bilen enjamlaşdyrylan we ak, gara, altynsow we gök reňklerde hödürlenýär. Teker bazasy 2646 mm.
Esasy enjam aýratynlyklaryna goşa zolakly howa-gözegçiligi, meýdany 0,92 m² bolan panoramik üçek, sürüji üçin alty tarapa tokly sazlanýan deri oturgyçlar we 12,3 dýuýmlyk ekranly media ulgamy girýär.
Model CVT geçirijisi bilen jübütlenen 150 at güýjüni öndürýän 2,0 litrlik atmosfera hereketlendiriji bilen enjamlaşdyrylandyr.
