Marvel-iň “Dedpul we Rosomaha” kinokomiksi ABŞ-da resmi taýdan 12-nji iň girdejili film boldy. Film 636,3 mln dollar ýygnap, “Barbiden” ($636,2 mln) öňe geçdi diýip, Variety habar berýär.
Şeýle-de bolsa, dünýä prokatynda Margo Robbiniň baş keşbi janlandyrmagyndaky film “Dedpuldan” öňde – 1,335 mlrd dollar bilen deňeşdirilende 1,445 mlrd dollar. Häzirki wagtda “Dedpul we Rosomaha” 2024-nji ýylyň iň köp girdeji gazanan filmleriniň reýtinginde ikinji orny eýeleýär. Ol diňe 1,69 mlrd dollar gazanan “Tapmaça 2” multfilminden yza galýar.
“Dedpul we Rosomaha” 2024-nji ýylyň 26-njy iýulynda dünýä prokatyna çykdy. Režissýor hökmünde Şon Lewi (“Baş gahryman”, “Adam” taslamasy”) çykyş etdi. Filmde baş keşpleri Raýan Reýnolds we Hýu Jekman ýerine ýetirdi.
Marvel-iň indiki filmi “Kapitan Amerika: Ajaýyp täze dünýä” (Капитан Америка: Дивный новый мир) bolar, ol 2025-nji ýylyň 14-nji fewralynda prokata çykar.
