Hytaýyň Milli kosmos edarasy geljek onýyllykda Aýy, Marsy, asteroidleri we Ýupiteri öwrenmegi maksat edinýär. CNSA-nyň Aýy öwrenmek we kosmos inženeriýasy merkeziniň (LESEC) müdiri Guan Feniň aýtmagyna görä, iýun aýynda Ýere Aýyň arka tarapyndan getirilen ilkinji nusgalar özboluşlary aýratynlyklary görkezip, hemranyň geologiki taryhy barada gymmatly maglumatlary berýär.
Şeýlelikde, Hytaý Ýere ýakyn Kamoalewa asteroidinden (469219 Kamoalewa) nusga almak üçin Tainwen 2 missiýasyny, şeýle-de suw buzuny gözlejek we Aýda gazylyp alnan resurslary ulanmak boýunça tejribeleri geçirjek iki sany Chang’e 7 we Chang’e 8 Aý missiýasyny taýýarlaýar. Mundan başga-da, Hytaý Tainwen 3 missiýasynyň kömegi bilen Marsdan nusga ýygnamagy we 2030-njy ýylda Ýupitere kosmos enjamyny ibermegi meýilleşdirýär.
Hytaý öz kosmos maksatnamalarynda halkara hyzmatdaşlygy teklip etmek bilen, missiýalara gatnaşmak mümkinçiligini hödürleýär we ylmy gözlegler üçin nusgalara elýeterliligi üpjün edýär. Ýurt 2030-njy ýyla çenli Aýa taýkonawtlary gondurmagy meýilleşdirýär, bu hem Artemis 3 missiýasynyň üstünde işleýän NASA bilen bäsdeşlik döredip biler.
CNSA-nyň baş inženeri Li Gopiniň aýtmagyna görä, Hytaý Marsdan nusgalary ýygnamak we olary NASA maksatnamalaryndan öň Ýere getirmek synanyşygyna taýýarlanýar. Tainwen 3 missiýasy aýratyn hyzmat we aşak düşürilýän modulyň hem-de 2028-nji ýylda Mars üçin gonuş we ýokary göteriş kosmos enjamlarynyň uçurylmagyny-da öz içine alar.
