Italiýaly tennisçi, ATP reýtinginiň lideri we “Uly tuwulga” ýaryşlarynyň iki gezek çempiony Ýannik Sinner Er-Riýadda geçirilen “Alty şanyň tuwulgasy” (Six Kings Slam) görkezme ýaryşynda ýeňiji boldy.
Finalda italiýaly “Uly tuwulga” ýaryşlarynyň dört gezek çempiony, ispaniýaly Karlos Alkarasy 6:7 (5:7), 6:3, 6:3 hasabynda utdy.
Üçünji ýer ugrundaky oýunda “Uly tuwulga” ýaryşynyň 24 gezek çempiony, serbiýaly Nowak Jokowiç ispaniýaly Rafael Nadaldan üstün çykdy.
“Alty şanyň tuwulgasy” ýaryşy dünýäniň iň güýçli tennisçilerini bir ýere jemledi. Ýaryşyň maliýe tarapy haýran galdyrýar: her gatnaşyjy azyndan 1,5 mln dollar alýar, ýeňiji hökmünde Ýannik Sinner bolsa 6 mln dollar möçberde baş baýragy aldy.
