Doganlar Mazeratiler hakynda film düşüriler. Entoni Hopkins baş keşbi janlandyrar

  • 18.10.2024 10:33
  • 3k+

Ferruçço Lamborgini hakyndaky terjimehal filmi bilen tanalýan kinorežissýor Robert Moresko indi meşhur Mazeratileriň awtoulag maşgalasy barada film döreder diýip, Variety habar berýär.

“Mazerati: Doganlar” (Мазерати: Братья) filminde üç doganyň - Alfýeri, Ettore we Ernesto Mazeratileriň 1914-nji ýylda Bolonýada meşhur italýan awtoulag kompaniýasyny nädip esaslandyrandygy barada gürrüň berilýär.
Filmiň aktýorlar düzümine iki gezek “Oskar” baýragynyň eýesi Entoni Hopkinsiň goşuljakdygy eýýäm mälim boldy. 86 ýaşly aktýor ýaňy ýola düşen doganlar Mazeratileri goldaýan täsirli italýan maýadarynyň keşbini ýerine ýetirer.
Öň “Lamborgini: Rowaýaty adam” we “Ferrari” filmleriniň üstünde işlän Andrea Iýerwolino filmiň prodýuseri bolar. Ol Entoni Hopkinsiň surata düşürýän filmine gatnaşmagyny "arzuwyň hasyl bolmagy" diýip atlandyrdy.

"Onuň çylşyrymly gahrymanlary janlandyryp biliş ukyby, gürrüňsiz, filmimizi iň gowy filme öwrer" diýip, Iýerwolino belledi.

Filmiň sýužetiniň jikme-jiklikleri entek açylmady, ilkinji gezek görkeziljek senesi hem entek belli däl.


şu gün 09:20
115

Jeýms Kemeron Netflix-iň filmleriniň “Oskar” baýragyna dalaş etmegine garşy çykdy

Režissýor Jeýms Kemeron Netflix-iň filmleriniň «Oskar» baýragyna gatnaşmaly däldigini aýtdy. Ol öz pikiri bilen «The Town with Matt Belloni» podkastynda paýlaşdy. «Awatar» we «Titanik» filmleriniň režissýory Netflix-iň filmleri diňe akademiýanyň düzgünlerine laýyk gelmek üçin gysga möhletleýin çäkli kinoprokata goýbermek tejribesini tankytlady...

şu gün 09:06
335

Paramount Jeki Çanyň we Kris Takeriň gatnaşmagynda «Dykyn wagty 4» filmini çykarar

Paramount studiýasy komediýa görnüşli «Dykyn wagty» («Час пик») uruşly filminiň dördünji bölümini çykarmak barada şertnama baglaşdy. Täze filmiň režissýory franşizanyň öňki bölümleriniň ählisini düşüren Brett Retner bolar...

düýn 11:39
4.4k+

Variety ähli döwrüň iň gülkünç 100 komediýasyny saýlady

Variety žurnaly ähli döwrüň iň gowy 100 komediýasynyň reýtingini hödürledi. Žurnalistler sanaw düzülende filmiň klassyk bolmagyna täsir edýän faktorlary göz öňünde tutmaga çalyşdy, ýöne esasy görkeziji filmiň näderejede gülkünçdigi boldy...

düýn 11:22
589

Far Cry oýun franşizasy esasynda teleserial surata düşüriler

FX teleýaýlymy meşhur Far Cry oýun seriýasy esasynda resmi taýdan teleserial surata düşürmäge girişdi diýip, Deadline habar berýär. Taslama üçin Noý Houli ("Fargo") bilen Rob Mak ("Filadelfiýa mydama güneşli" / «В Филадельфии всегда солнечно») jogapkär bellenildi...