Nissan täzelenen Frontier Pro-4X-e esaslanýan täze Project Trailgater pikap ulagyny hödürledi. Music City Trucks bilen hyzmatdaşlykda işlenip düzülen bu täsin ulag, ýol başdangeçirmeleri üçin we futbol oýunlaryna tomaşa etmek üçin dürli funksiýalary hödürleýär diýip, 32Cars.ru ýazýar.
Project Trailgater lift-toplumyny, kämilleşdirilen asgyjy, sport amortizatorlaryny we 17 dýuýmlyk Yokohama Geolandar M/T şinaly tekerleri öz içine alýar. Goşmaça faralar we üçegindäki zat salynýan ýeri pikapyň ýolsuz ýerden ýöremek mümkinçiliklerini ýokarlandyrýar.
Project Trailgater-iň esasy elementi onuň göçme dynç alyş giňişligine öwrülmegidir. Ulagyň ýük salynýan ýerinde 43 dýuýmlyk iki telewizor, ses paneli, propan grili we Dometic sowadyjysy bar. Yzky oturgyçlar, litiý-ion batareýasyny we uzak ýerlerde-de futbol oýunlaryny ýaýlymda görmek üçin Starlink hemra aragatnaşyk enjamlaryny ýerleşdirmäge mümkinçilik berýän ýörite plastinka bilen çalşyldy.
Şeýle hem pikap 180 W gün paneli we aşhana bilen üpjün edilendir. Bu şertleriň hemmesi açyk meýdanda oturylyşyklary rahat gurnamak üçin döredildi.
Adaty Frontier wersiýasy 9 basgançakly awtowatiki geçirijisi we doly priwod ulgamy bilen işleýän, 310 at güýjüni öndürýän 3,8 litrlik V6 hereketlendirijisi bilen enjamlaşdyrylandyr.
Project Trailgater, Nissan-yň beýleki dört konsepsiýasy bilen birlikde indiki aý SEMA sergisinde hödürlener.
