Google kompaniýasy täze Android 15 operasion ulgamyny çykardy. Ilki bilen ony Pixel smartfonlary aldy. Platformada köp täze funksiýalar peýda boldy diýip, The Verge ýazýar.
Esasy täzelikler:
- Güýçlendirilen gizlinlik: Android 15 girmek üçin goşmaça tassyklamany talap edýän programmalar üçin "şahsy ýer" döretmäge mümkinçilik berýär. Bu funksiýa programmalary keseki gözlerden gizleýär we ulanyjylara şahsy maglumatlaryna gözegçilik etmäge has köp mümkinçilik berýär.
- Eplenýän enjamlar we planşetler üçin gowulaşmalar: Ulanyjylar indi programmalara çalt girmek üçin wezipeler panelini berkidip we aýryp bilerler, şeýle hem ýygy-ýygydan ulanylýan iki programmany bir nyşana birleşdirip bilerler.
- AI-niň kömegi bilen ogurlanmakdan goramak: Android 15-de ogrulyk alamatlaryny anyklasa, enjamyňyzy awtomatiki usulda gulplaýan Theft Detection Lock funksiýasy bar. Bulardan başga-da, Remote Lock-yň täze funksiýasy enjamyň eýesine ony başga bir Android enjamyndan gulplamaga mümkinçilik berýär. TmCars ozal bu funksiýanyň synagdan geçirilýändigi barada habar beripdi.
- Goşmaça täzelenmeler: şeýle hem Google pes ýagtylykda has gowy surata düşmek üçin, Instagram-yň Night Sight režimi ýaly, täze funksiýalary, şeýle hem Audio Magic Eraser guraly üçin öňdebaryjy dolandyryşlar bilen Pixel Feature Drop täzelenmesini çykardy. Şeýle hem Google öňümizdäki birnäçe hepdäniň dowamynda enjamlary bir-biriniň gapdalynda ýerleşdirip, faýllary Pixel planşetinden Pixel smartfonyna geçirmek mümkinçiligini goşar.
Täze operasiýa ulgamyny Google-yň resmi web sahypasyndan göçürip alyp bilersiňiz. Android 15-iň aýratynlyklarynyň doly sanawyny Google web sahypasyndan tapyp bolar.
