Marokkoda ýerleşýän Royal Mansour Marrakech oteli The World’s 50 Best Hotels reýtinginiň çäklerinde abraýly “Art Of Hospitality Award” baýragyny aldy. Bu baýrak myhmansöýerlik boýunça 600-den gowrak hünärmeniň ses bermegi esasynda myhmansöýerligiň iň ýokary derejesi üçin berilýär diýip, The North Africa Post neşiri ýazýar.
Emin agzalary oteliň işgärleriniň her bir ownujak zatlara, atmosfera we hyzmatyň hiline aýratyn üns berýändigini belledi, bu bolsa Royal Mansour Marrakech-y dünýäde iň myhmansöýer otele öwürdi.
Gadymy Marrakeş şäheriniň merkezindäki ajaýyp binagärlik nusgasy 53 sany hususy riaddan – her birinde baş hyzmatkär bolan içi bagly üç gatly willalardan ybarat. Otel işgär üçin gizlin tunneliň kömegi bilen özboluşly gizlinlik derejesini hödürleýär.
Otel Marokkonyň patyşasynyň emlägi bolup, Magribiň däp bolan myhmansöýerligini görkezýär. 2023-nji ýylda bu ýerde “Mişlen” ýyldyzlarynyň eýesi, şef-aşpez Elen Darrozyň ýolbaşçylygynda La Grande Brasserie restorany açyldy. 2024-nji ýylda oteliň iki restorany – La Grande Table Marocaine we Sesame Ýakyn Gündogaryň we Demirgazyk Amerikanyň iň gowy edaralarynyň hataryna girdi.
