Blur Studio-nyň wideo oýunlara bagyşlanan “Gizlin dereje” (Secret Level) animasiýa antologiýasynyň treýleri möhletinden öň onlaýnda peýda boldy. Wideonyň özüni doly diýip aýdyp bolmaz, sebäbi gutarylmadyk animasiýa parçalary bar, ýöne gahrymanlara ses berýän aktýorlaryň ýyldyzlar toparynyň kimlerdigini bilip bolýar diýip, mp1st.com habar berýär.
Ses berýän aktýorlaryň arasynda Kianu Riwz, Arnold Şwarsenegger we ogly Patrik, Kewin Hart we gyzy Hewen, Gabriel Luna we Lora Beýli, Emili Suollou we beýlekiler ýaly, Golliwudyň ýyldyzlarynyň atlary bar.
Keşpler baradaky jikme-jiklikler henizem syr bolup galsa-da, ýaýradylan treýler Kianu Riwziň öz daş sypatyny Armored Core oýnunda esaslandyrylan gahrymanlaryň birine sowgat etjekdigi mälimdir.
“Gizlin dereje” antologiýasynyň ilkinji görkezilişi 2024-nji ýylyň 10-njy dekabrynda Amazon Prime platformasynda görkeziler. 15 bölüm meýilleşdirildi.
