2024-nji ýylyň sentýabr aýy dünýäde temperatura görkezijisi boýunça ikinji güýz aýy boldy. Ortaça görkeziji 16,1 gradus boldy diýip, Ýewropanyň howanyň üýtgemegi boýunça gullugy “Copernicus-yň” maglumatlaryna salgylanyp, TASS habar berýär.
Maglumatlara görä, ortaça aýlyk temperatura 16,1 gradus boldy we bu geçen ýylky görkezijiden 0,2 gradus pesdir. Şeýlelikde, 2024-nji ýylyň sentýabry 2023-nji ýylyň sentýabr aýyndan soň ikinji rekord derejede ýyly güýz aýy boldy.
Statistika görä, dünýäde howa kadasyndan gyşarma 0,7 gradus ýylylyk boldy.
Ortaça aýlyk kada – 30 ýyllyk (esasy) döwürde islendik bir aý üçin ortaça temperaturadyr. Häzirki hasaplamalar Bütindünýä meteorologiýa kongresiniň görkezmelerine laýyklykda, 1991-2020-nji ýyllaryň maglumatlaryna esaslanýar. Gyşarma kada bilen hakyky ortaça aýlyk temperaturanyň arasyndaky tapawut hökmünde hasaplanylýar.
