“Joker: Iki adamlyk telbelik” (Джокер: Безумие на двоих) filmi prokatda harajatyny ödäp bilmez. Ikinji hepdäniň netijelerine görä, filmiň dünýädäki kassa ýygymlarynyň girdejisi bary-ýogy 165 million dollar boldy, bu şeýle uly taslama üçin garaşylan netijeden ep-esli pesdir diýip, Variety neşiri habar berýär.
Film ikinji hepdesinde 45 million dollar töweregi girdeji gazandy, bu bolsa kinokomiksleriň arasyndaky iň uly şowsuzlyklaryň biridir.
Insaýderleriň berýän maglumatlaryna görä, filmiň önümçilik çykdajylaryna 200 million dollar töweregi sarp edildi. Harajatyny ödemek üçin, film azyndan 450 million dollar girdeji gazanmaly, bu bolsa indi başa barmasa gerek.
Ýitgileriň öwezini dolmak üçin Warner Bros. filmiň strimingde goýberiljek senesini 19-njy noýabrdan 29-njy oktýabra geçirdi. Kompaniýa irki sanly relizde girdeji gazanmaga synanyşýar.
Variety neşiriniň berýän maglumatlaryna görä, Warner Bros. 150 million dollara golaý ýitirip biler, bu soňky ýyllarda kino pudagynda bolup geçen iň uly şowsuzlyklaryň biri bolar. Kompaniýanyň wekili insaýderleriň maglumatlaryny ret etdi.
