Balykçy Çehiýanyň taryhynda iň uly lakga balygyny tutdy: onuň uzynlygy 2,64 metre ýetýär

  • 15.10.2024 12:59
  • 29k+

Çehiýaly belli balykçy Ýakub Wagner ýurduň taryhynda iň uly lakga balygyny tutup, milli rekordy täzeledi. Uzynlygy 2,64 metr bolan bu täsin balyk Znoýmo şäheriniň golaýyndaky Wranow sebitinde adaty balykçy çeňňegine ildi diýip, “Wokrug sweta” neşiri habar berýär.

Wagneriň aýtmagyna görä, balygy tutmak üçin ýarym sagada golaý wagt gerek boldy.

"Suwuň ýüzüne çykýan köpürjikler şeýle uludy. Bu balygy köpden bäri tutmagy arzuw edýärdim, indi bolsa ol meniň elimde" - diýip, Wagner aýtdy.

Balykçy diňe bir rekord goýany üçin däl, eýsem, şeýle uly balyklaryň Çehiýanyň suwlarynda ýaşaýandygyna hem begenýändigini aýtdy.
Balygy ölçänlerinden soň, Wagner ony yzyna goýbermek kararyna geldi. Lakga balygy assa-ýuwaş daşlaşdy. Mundan öňki rekordy hem Wagneriň özi goýupdy. Ol 2024-nji ýylyň iýun aýynda 261 santimetrlik lakga balygy tutdy.


düýn 09:15
4.5k+

95 ýaşly amerikaly dünýäde iň garry awtobus sürüjisi diýlip ykrar edildi

Tehasyň 95 ýaşly ýaşaýjysy dünýäde iň garry awtobus sürüjisi diýlip ykrar edildi. Onuň üstünligi Ginnesiň rekordlar kitabynda bellendi. Ol işlemegini dowam etdirýär we entek pensiýa çykmagy meýilleşdirmeýär diýip, The Guardian habar berýär...

28.11.2025 23:12
10k+

San-Diegoda iki jahan urşuny başdan geçiren 141 ýaşly pyşbaga Ene bilen hoşlaşyldy

San-Diego haýwanat bagynyň iň garry ýaşaýjysy, 141 ýaşly Ene (Gramma) atly galapagos pyşbagasy aradan çykdy. Haýwanat bagynyň işgärleri süňk keseli sebäpli ony uka gidirmeli boldy. CNN-iň habar bermegine görä, ewtanaziýa baradaky çözgüt jandaryň ýaş bilen bagly başdan geçirýän azaplary sebäpli kabul edildi...

26.11.2025 10:02
2.3k+

The Weeknd “After Hours Til Dawn” konsert syýahatyndan 1 mlrd dollardan gowrak gazanyp, rekord goýdy

The Weeknd rekord goýmagyny dowam etdirýär: onuň dünýä boýunça After Hours Til Dawn konsert syýahaty erkek solo aýdymçylarynyň arasynda taryhda iň girdejili syýahat boldy. 2022-nji ýylda başlany bäri konsert syýahaty Demirgazyk Amerikada (iki gezek), Ýewropada, Beýik Britaniýada, Latyn Amerikasynda we Awstraliýada geçdi...

24.11.2025 12:05
2.4k+

Supermen baradaky ilkinji komiks rekord 9,12 mln dollara satyldy

1939-njy ýylda çykan “Supermen” komiksiniň ilkinji sanynyň asyl nusgasy auksionda 9,12 mln dollara satyldy. NBC News-iň habar bermegine görä, bu komiks bazary üçin hakyky rekord boldy. Uzak wagtlap bu nusga ýitirilen diýlip hasaplanypdy: ol köp ýyllap Demirgazyk Kaliforniýadaky bir öýüň üçeginde gutuda saklanypdyr...