SpaceX ilkinji gezek uçuryjy bölegini howada gapmak bilen, ägirt uly Starship arş gämisini üstünlikli gondurdy

  • 15.10.2024 12:13
  • 2.8k+

13-nji oktýabrda SpaceX kompaniýasy Aýa we Marsa uçmak üçin işlenilýän missiýalara niýetlenilýän iň uly Arş gämisi bolan "Starship Super Heavy 5-iň" bäşinji orbital synagyny üstünlikli tamamlady. Taryhy uçuş Günorta Tehasyň Starbase obýektinden amala aşyryldy.

Bäşinji synag uçurylyş programmasy öňki ikisi bilen birmeňzeşdi: raketa Starship-iň prototipini suborbital traýektoriýa çykarmalydy we atmosfera girip, Awstraliýanyň kenarýakasynyň günbataryna, Hindi ummanynda suwa gonmalydy. Ýöne bu gezek Super Heavy-niň birinji basgançagy gaýdyp gelenden soň, SpaceX uçuş meýdançasynda gurlan iki sany äpet “eli bolan” Mechazilla hyzmat diňiniň kömegine daýanyp gonmalydy. Konstruksiýa basgançagy howada ýumşaklyk bilen gapyp almalydy, muny ol kompaniýanyň işgärleriniň şowhunly el çarpyşmalary astynda örän şowly amala aşyrdy.
Şol bir wagtda, Starship-iň ýokarky basgançagy uçuşyny dowam etdirdi we kosmosyň çäginden geçdi. Gäminiň Ýeriň üstünden aňrybaş beýikligi 212 kilometre ýetdi. Uçurylandan 65 minut soň, Starship Hindi ummanynda üstünlikli gondy. Şeýle-de bolsa, gämini derrew ot aldy we partlady. Bu pursat SpaceX-iň kamerasy tarapyndan ýazga alyndy.

Gaýtadan ulanylmaga niýetlenen raketa ulgamy “Starship” kosmiki gämiden we “Super Heavy” uçuryş ulagyndan ybaratdyr. Onuň boýy 120 metrden hem geçýär. Ol dünýäde gurlan beýleki raketalardan has beýikdir. “Super Heavy” göterijisi NASA-nyň Aýa uçmak üçin döredýän “Space Launch System” (SLS) agyr raketasyndan iki esse güýçlüdir.

 

 


düýn 13:17
1.4k+

ChatGPT kosmos gämisini dolandyrmaga ukyplydygyny görkezdi

ChatGPT kosmos gämisini dolandyrmaga ukyply bolup çykdy. Ol «Kerbal Space Program Differential Games» atly simulýasiýadaky uçuş bäsleşiginde ikinji orny eýeledi. Bu barada «Live Science» neşiri habar berýär. Bäsleşik ilkinji gezek 2023-nji ýylda Massaçusets tehnologiýa institutynyň başlangyjy bilen geçirilip başlandy...

düýn 10:53
2.6k+

Astronomlar ilkinji gezek goşa supernowa partlamasynyň «barmak yzyny» surata aldylar

Çilidäki Ýewropanyň günorta obserwatoriýasynyň (ESO) Örän uly teleskobyndan (VLT) peýdalanan astronomlar «Ia» görnüşli ýaş supernowa galyndysy bolan SNR 0509-67.5-iň suratyny aldylar. Onuň ýaşynyň 300-350 ýyl aralygyndadygy çaklanýar...

06.07.2025 14:49
2.7k+

ABŞ-da millionlarça dollar sarp edilen kosmos ýadro reýderi taslamasy ýapyldy

ABŞ-nyň Goranmak boýunça geljekki barlag taslamalary gullugy (DARPA) NASA bilen kosmos termiki ýadro hereketlendirijisini (NTP) döretmek baradaky bilelikdäki taslamany ýatyrdy. Bu karar häzirki zaman raketa tehnologiýasynyň gazananlary, şol sanda SpaceX-iň üstünligi we ýadro hereketlendirijileriniň geljeginiň täze seljermesi bilen düşündirilýär  diýip, Space News habar berýär...

05.07.2025 18:34
3.1k+

Astronom tutuş Älemiň “aýlanmagynyň” alamatlaryny tapdy

Amerikaly astronom, ABŞ-nyň Harby-deňiz obserwatoriýasynyň ylmy işgäri Waleriý Makarow tutuş Älemiň aýlanýandygyna mümkin bolan subutnamalary tapandygyny aýdýar. Üstesine-de, aýlanma ugry ençeme gezek üýtgän bolmaly diýip, Nature Astronomy žurnalyndaky ylmy gözlege salgylanyp, TASS habar berýär...