ByteDance kompaniýasynyň eýeçiligindäki TikTok gysga wideo hyzmaty dünýä boýunça ýüzlerçe işgäri işden aýyrjakdygyny mälim etdi. Reuters habarlar gullugynyň berýän maglumatyna görä, şeýle çäreleriň sebäbi emeli aň esasynda algoritmleri ulanyp, mazmuny dolandyrmak ulgamyny kämilleşdirmek bilen bagly.
Iň köp işden çykarylma Malaýziýa täsir etdi, ol ýerde 700-den gowrak adam işsiz galdy. TikTok-yň wekilleri bu işden çykarylmanyň 500-den az işgäre täsir edendigini bellediler. Işden boşadylanlar mazmuna gözegçilik etmek bilen meşgullanýardylar we olara karar barada 9-njy oktýabrda e-poçta arkaly habar berdiler.
Şeýle hem, kompaniýa sebitdäki işini optimizirleýändigi sebäpli, indiki aý hem işden çykarmaklygy dowam etmegi meýilleşdirýär. TikTok-yň wekili "üýtgeşmeleriň mazmuny dolandyrmak üçin global iş modelini gowulandyrmaga gönükdirilendigini" nygtady.
Häzirki wagtda dünýäniň 20-den gowrak şäherinde bu kompaniýanyň 110 müňe golaý işgäri işleýär. Düzgüni bozýan mazmunyň 80% -ini awtomatiki aýyrýan mazmun moderasiýasy el bilen hem, AI algoritmlerini ulanmak arkaly hem amala aşyrylýar.
TikTok platformanyň howpsuzlygyny ýokarlandyrmak üçin şu ýyl jemi 2 milliard dollar maýa goýmagy maksat edinýär. Beýleki zatlar bilen birlikde, bu moderasiýanyň netijeliligini ýokarlandyrmagy öz içine alýar.
