Hytaýyň Şençžen şäherinde ABŞ-dan daşary iň uly Apple barlaghanasy açyldy

  • 14.10.2024 15:53
  • 11k+

Apple Hytaýyň Şençžen şäherinde uly amaly gözleg barlaghanasyny açdy. 20 000 m² meýdany eýeleýän täze desga Gonkongy, Makaony we Guandun welaýatynyň şäherlerini öz içine alýan Uly aýlag sebitinde kompaniýanyň möhüm ylmy-gözleg we tejribe merkezi bolar diýip, 3Dnews habar berýär.

Barlaghana Apple-iň iPhone, iPad we Vision Pro garniturasy ýaly esasy önümlerini synagdan geçirmek we gowulandyrmak üçin niýetlenendir. Onuň işine Hytaýdan we daşary ýurtlardan müňden gowrak hünärmen gatnaşar. 
Bu kompaniýanyň ABŞ-nyň çäginden daşary iň uly şeýle desgasy bolup, ol kompaniýanyň öndüriji üçin esasy hasaplanýan Hytaý bazarynda öz ornuny berkitmäge ymtylýandygyny görkezýär. 
Huawei ýaly hytaý brendleri tarapyndan bäsdeşligiň barha güýjeýän döwründe barlaghananyň açylmagy ýerli üpjün edijiler bilen has ýakyn hyzmatdaşlyga we täze önümleriň ösüşine ýardam etmeli.
CINNO analitik kompaniýasynyň maglumatlaryna görä, Huawei 2024-nji ýylyň awgust aýynda Hytaýda üpjünçiligi 7,7% ýokarlandyryp, smartfon satuwy boýunça Apple-den öňe geçdi we öňdebaryjy orny eýeledi.
Umuman, hytaý öndürijileri içerki bazarda agdyklyk etmegi dowam etdirip, Apple-i öňdebaryjy üpjün edijileriň hataryndan gysyp çykarýar. 2024-nji ýylyň ikinji çärýeginiň jemi boýunça, hytaý smartfonlarynyň üpjünçilik möçberi 70 mln gurluşa ýetdi, bu geçen ýylky görkezijiden 10% köpdür.


düýn 16:42
1.9k+

Apple tankytlary nazara alyp, iOS 26-nyň ikinji beta wersiýasynda Liquid Glass-yň interfeýsiniň üstünde işledi

Apple kompaniýasy iOS 26 operasion ulgamynyň ikinji beta-wersiýasyny çykardy. Bu täzelenme bilen kompaniýa täze interfeýs dizaýny bolan Liquid Glass-daky esasy meseleleriň birini düzetdi. Täze interfeýs ýokary aç-açanlykly aýnanyň optiki aýratynlyklaryndan ylham alyp işlenipdi...

24.06.2025 00:22
7.6k+

Hytaýda 11 787 sany dron ulanylyp geçirilen şüweleň Ginnesiň rekordlar kitabyna girdi

Hytaýyň Çuňsin şäherinde dünýäde iň uly dronly ýagtylyk şüweleňi geçirildi. 17-nji iýunda Ýanszy derýasynyň üstünde bir wagtyň özünde 11 787 dron asmana galdy — bu görkeziji öňki dünýä rekordyny (10 197 dron) täzeledi...

23.06.2025 13:26
7.3k+

Hytaýda kung-fu hakyndaky nusgawy filmleri emeli aň tehnologiýalarynyň kömegi bilen dikeltmek isleýärler

Hytaýyň kino gaznasy we onuň hyzmatdaşlary emeli aň tehnologiýasy arkaly söweş sungaty baradaky 100 nusgawy filmi dikeltmek boýunça giň gerimli işe başladylar. Bu barada 27-nji Şanhaý halkara film festiwalynda yglan edildi diýip, Variety ýazýar...

22.06.2025 11:49
6.8k+

Hytaýda seýilgähdäki abatlaýyş işleri wagtynda hazynadan doly gadymy aramgähler tapyldy

Žiçžao şäher okrugynda (Şandun welaýaty, Hytaý) seýilgähdäki abatlaýyş işleri wagtynda arheologlar üç gadymy aramgähiň üstünden bardy. Bu barada Hytaýyň jemgyýetçilik ylymlary akademiýasynyň Arheologiýa institutyna salgylanyp, Independent habar berýär...