Dünýäniň birinji raketkasy Ýannik Sinner Şanhaýda (Hytaý) geçirilen “Masters” ýaryşynyň finalynda serbiýaly Nowak Jokowiçden üstün çykdy. Ýaryşyň baýrak gaznasy tas 9 mln dollara barabar diýip, RBK habar berýär.
Oýun bir ýarym sagatdan gowrak dowam edip, 7:6 (7:4), 6:3 hasabynda italiýalynyň peýdasyna tamamlandy. Sinner serbiýalyny yzygider üçünji we karýerasynda dördünji gezek (sekiz duşuşykda) utdy.
23 ýaşly Sinner üçin bu möwsümde ýedinji titul boldy, ol soňky sekiz ýylda bir ýylda altydan köp ýaryşda ýeňiji bolan ilkinji oýunçy boldy. 2016-njy ýylda britaniýaly Endi Marreý birbada dokuz kubok gazanypdy. Umuman alanyňda, Sinner şu möwsümde 65 oýunda utdy – bu onuň iň gowy netijesi.
Hasabynda 99 ATP kubogy bolan Jokowiç utan ýagdaýynda taryhda Jimmi Konnorsdan we Rojer Federerden soň ýekelikde 100 titul gazanan üçünji tennisçi bolup bilerdi.
