Lexus kompaniýasy LC kupeniň we kabrioletiň täzelenen görnüşlerini hödürledi diýip, 32Cars.ru habar berýär.
2017-nji ýyldan bäri öndürilýän ulaglar täze model ýylynda daşky we içki görnüşleri gowulaşdyrylyp hödürlenýär. Esasy täzelenmeleriň biri öň we yz oklarynyň meýdanyna oturdylan goşmaça diregler bolup, olar kuzowy has berk etdi we dolandyrylyşyny gowulaşdyrdy.
Lexus LC-iň daşy täze Iridium reňkinde, içki bölegi alkantaru we uglerod süýümi ýaly täze bezeg materiallaryny öz içine alýar. Alyjylar salonyň reňkini hem saýlap bilerler, olar gara, gyzyl ýa-da karamel reňkde.
LC awtoulaglary 21 dýuýmlyk gara süýlen tekerleri we uglerod süýümli üçegi gurmaga mümkinçilik berýän Lexus Bespoke Build programmasyna girýär. Kabriolet üçin ýokarsynyň reňkini - gyzyl ýa-da gök reňklisini saýlamaga mümkinçilik bar.
Kuwwatlylygy öňküligine galýar: 477 at güýjüni öndürýän 5,0 litrlik V8 we 359 at güýji bolan 3,5 litrlik V6 esasly gibrid ulgam.
Täzelenen Lexus LC 2025 modelleri güýzde ABŞ-da başlangyç bahasy 100 425 dollardan satuwa çykarylar.
