Netflix Jeýn Ostiniň “Gedemlik we güman” (“Гордость и предубеждение”) romanynyň esasynda serial taýýarlaýandygyny habar berdi. Taslamanyň awtory Peacock akym hyzmatynda çykan “Söýgi hakda bilýänlerim” (“Всё, что я знаю о любви”) serialynyň ssenariýaçysy Dolli Elderton boldy.
Täze serial iňlis mülkdar maşgalasyndan nika, ahlak meseleleri, şeýle-de dürli sosial ters düşünjeler bilen ýüzbe-ýüz bolýan bäş sany aýal dogan barada gürrüň berer.
Serialda häzirlikçe kimiň çykyş etjekdigi we onuň premýerasynyň haçan boljakdygy belli däl.
“Gedemlik we güman” – dünýä edebiýatynda iň belli romanlaryň biri. Ol eýýäm birnäçe gezek ekranlaşdyryldy, şol sanda 1995-nji ýylda Kolin Fýort we Jennifer El bilen serial görnüşinde, şeýle-de 2005-nji ýylda Kira Naýtli we Mettýu Makfedien bilen film görnüşinde çykdy.
