BYD konserni hasap boýunça ikinji Merkezi Aziýa ýurdunyň, Täjigistanyň bazaryna resmi taýdan çykandygyny habar berdi. Bu ýerde brend hatary dört modelden ybarat bolar. Awtomobilleri satmak, tehniki hyzmatlary we abatlaýyş işlerini hödürlemek üçin Duşanbede iki sany awtomerkez açyldy, ýöne distribýutor awtomobil bahalaryny heniz yglan etmedi diýip, kolesa.kz belleýär.
BYD Täjigistanda birnäçe gibrid: Song Pro DM-i krossowerini we Chazor DM-i sedanyny, şeýle-de Song Plus we e2 elektrokarlaryny hödürlär. Distribýutoryň resmi saýtynda häzirlikçe ýerli bazar üçin bu modeller barada maglumat ýok.
BYD-yň Merkezi Aziýa bölümçesiniň ýolbaşçylygy sebiti konserni eksport bazarlaryna ýaýratmak üçin geljegi uly we möhüm tapgyr diýip atlandyrdy. Häzirki wagtda BYD-yň gibridleri we elektrokarlary dünýäniň 95 ýurdunda we sebitinde satylýar.
BYD Täjigistany tehnologiýa taýdan ösen önümler we toplumlaýyn hyzmat ulgamy bilen üpjün etmek üçin ýerli hyzmatdaşlar bilen hyzmatdaşlygy berkitjekdigini belledi.
