Iň gowy film hökmünde “Oskar” baýragyny alan “Oppengeýmeriň” režissýory Kristofer Nolan täze film bilen ekrana gaýdyp geler. Filmiň relizi 2026-njy ýylyň 17-nji iýulyna meýilleşdirilýär diýip, “Deadline” habar berýär.
Taslamada baş keşbi Mett Deýmon ýerine ýetirip biler. Öň, aktýor Nolan bilen “Insterstellar” we “Oppengeýmer” filmlerinde işleşdi. Filmiň ady we sýužet barada maglumatlar heniz belli däl. Nolan filmiň ssenariýaçysy hökmünde-de çykyş etdi.
Filmi surata düşürmek işleri 2025-nji ýylyň başynda başlap biler. Prokat bilen ýene Universal studiýasy meşgullanar.
Ýatlap geçsek, “Oppengeýmer” filmi dünýä prokatynda 1 mlrd dollar töweregi girdeji gazandy. Şeýle-de, ol birnäçe nominasiýada, şol sanda iň gowy film, režissýorlyk we erkek keşbi (Killian Mýorfi) üçin ýedi “Oskar” baýragyna mynasyp boldy.
