ABŞ-da iň ýaramaz satylan awtomobilleriň reýtinginde Hyundai we Toyota modelleri öňde ýerleşýär

  • 10.10.2024 11:07
  • 11k+

Motor1 portaly 2024-nji ýylyň üçünji çärýeginde ABŞ-da iň pes satuwy bolan awtomobilleriň reýtingini hödürledi. Sanawda Hyundai, Toyota we Lexus ýaly belli brendler hem bar.

Olaryň arasynda Hyundai Nexo iň pes netijäni görkezdi – iýul aýyndan sentýabr aýy aralygynda bary-ýogy 89 birlik satyldy. Ýöne munuň wodorod modelidigini we diňe Kaliforniýada satylýandygyny bellemek gerek, üstesine-de onuň bahasy 60 müň dollardan başlaýar.
Sanawda onuň yzyndan Toyota Mirai gelýär – bu wodorodomobil üçünji çärýegi 346 satylan birlik bilen jemledi. Fiat 500-üň satuwy 439 awtomobil boldy, Genesis G90 bolsa, ýokary bahasyna garamazdan, 1017 birlik mukdarda satyldy.
Käbir beýleki modeller hem ýokary bolmadyk netijeleri görkezdiler. Lexus LC-niň satuwy 1294, bu ýapon markasynyň ýene bir modeli Lexus RC-niň satuwy bolsa 1370 awtomobile ýetdi.
BMW XM we Z4, degişlilikde, 1385 we 1471 birlik tiraž bilen satyldy.
Şeýle-de, sanawa Audi Q8 Sportback e-Tron (1594 birlik), Lexus LS (1706 birlik) we Subaru BRZ (2323 birlik) girdi. Brendleriň meşhurlygyna garamazdan, bu awtomobillere amerikan bazarynda isleg o diýen ýokary däl.


düýn 11:28
3k+

Toyota ýetginjekler üçin iki orunlyk FT-Me elektrik ulagyny hödürledi

Toyota kompaniýasy ýetginjekler, täze sürüjiler hem-de eltip bermek hyzmatlary üçin niýetlenen iki orunlyk FT-Me elektrik ulagynyň nusgasyny hödürledi. Bu ulag kwadrisikl görnüşine degişli bolup, käbir ýurtlarda ony 14 ýaşdan başlap sürüp bolýar...

düýn 07:16
3k+

Toyota tebigatda işjeň dynç alyş üçin Corolla Cross ulagyny görkezdi

Toyota kompaniýasy SEMA amerikan sergisi üçin öz týuning taslamasyny hödürledi. Ulag üçin esas hökmünde Corolla Cross gibrid krossoweri alyndy we ol birnäçe aksessuarlaryň kömegi bilen başdangeçirmeler hem-de tebigatda işjeň dynç alyş üçin niýetlenen awtomobile öwrüldi...

24.10.2025 09:47
6k+

Toyota iň kiçi Land Cruiser ulagyny hödürledi

Toyota kompaniýasy Ýaponiýada Land Cruiser hatarynda täze modeli – FJ indeksli ykjam SUV ulagyny hödürledi. Onuň üçin at üç ýyl ozal önümçilikden aýrylan ulagdan alyndy. Awtoulag hataryň uly wekilleriniň dogumly keşbini saklady, ýöne göwrüm taýdan has kiçi boldy: uzynlygy – 4575 mm, ini – 1855 mm, beýikligi – 1960 mm, teker bazasy bolsa – 2580 mm bolup, bu Prado-dan 270 mm gysgadyr...

23.10.2025 10:04
2.7k+

Toyota Crown Kluger 2026 – täze tehnologiýaly krossower tanyşdyryldy

Toyota kompaniýasy Hytaýda Crown Kluger 2026 krossoweriniň täze neslini tanyşdyrdy. Modeliň bahasy 40 000 – 46 500 dollar aralygynda bolar. Täze krossower alyjylara iki görnüşde hödürlener: 2,0 litrlik benzinli hereketlendiriji, 2,5 litrlik gibrid ulgam bilen enjamlaşdyrylan wersiýalar...