Porsche Taycan Turbo GT tizligini sagatda 100 km çenli artdyrmak boýunça markanyň iň tiz awtomobili boldy. Car and Driver neşiri tarapyndan geçirilen synaglarda elektromobil 2 sekuntdan az wagtyň içinde 100 km/sag tizligine ýetip bildi. Tizligi güýçlendirmegiň ortaça görkezijisi 1,9 sekunt bolup, bu Taycan Turbo GT-ni Porsche-niň iň dinamiki ýol awtomobiline öwürdi.
Öň, dinamika boýunça lider 2014-nji ýylda geçirilen şeýle synaglarda tizligini 2,1 sekuntda 100 km/sag çenli artdyran 918 Spyder modelidi.
Taycan Turbo GT iki ugurda synagdan geçirildi, olaryň birinde netije 1,898 sekunt, beýlekisinde 1,910 sekunt boldy. Şol bir wagtyň özünde, awtomobil ony 75 kg ýeňil edip, tizligi artdyrmagyň wagtyny has hem gowulaşdyryp bilýän Weissach bukjasy bilen hem üpjün edilmedi.
Taycan Turbo GT 2024-nji ýylyň mart aýynda hödürlendi, awtoulag 1033 at güýjüni berýän 760 kWt kuwwatly güýç gurluşy bilen üpjün edildi. Şu ýyl awtomobil “Nýurburgring” ýolunda hem rekord goýup, 7 minut 7,55 sekunt netije bilen iň tiz dört gapyly ýol awtomobili boldy.
Ýol awtomobilleriniň arasynda tizligi 100 km/sag çenli artdyrmak boýunça rekord munuň üçin 1,76 sekunt sarp edýän Rimac Nevera giperkaryna degişli.
