Er-Riýad güýzüň soňky aýynda Aziýa üçin öz çig malynyň bahasyny ýokarlandyrmak, ýöne beýleki sebitlerdäki müşderiler üçin peseltmek kararyna geldi diýip, Saudi Aramco habar berýär.
Aziýada Arab Light nebitiniň bahasy barreline 0,9 dollar gymmatlar. Şeýlelikde, ol Oman-Dubaý sebedinden 2,2 dollar gymmat satylar – bu şu ýylyň iýul aýyndan bäri iň ýokary derejedir. Arab Extra Light we Arab Medium hem oktýabr aýy bilen deňeşdirilende, barreline 0,9 dollar gymmatlar, Arab Heavy üçin bolsa baha barreline 0,7 dollar ýokarlanar.
ABŞ-da Arab Light flagman görnüşi oktýabr bahalary bilen deňeşdirilende, 0,1 dollar, agyr görnüşler barreline 0,2 dollar arzanlar.
Demirgazyk-Günbatar we Ortaýer deňzindäki alyjylar üçin nebitiň bahasy ähli görnüşler üçin barreline 0,9 dollar pese düşer.
