Ýakynda 60 ýaşyny dolduran “Matrisanyň” we “Jon Uigiň” ýyldyzy Kianu Riwz Indianapolis Motor Speedway awtodromynda awtosöýüjiler we ýaňy başlaýjylar üçin Toyota GR Cup ýaryşyna gatnaşdy.
Riwz şenbe güni geçirilen ýaryşda 33 gatnaşyjynyň arasynda 25-nji orny, ýekşenbe günündäki ýaryşda bolsa 24-nji orny eýeledi. Şenbe güni Riwziň awtomobili 45 minutlyk ýaryşyň ýarysynda ýoldan çykdy. Awtomobile zeper ýetmedi, şonuň üçin aktýor ýaryşy dowam etdirdi. Bu Riwziň professional derejede ilkinji ýaryşy boldy.
Riwz 92 BRZRKR belgili ulagda çykyş etdi, bu onuň Çaýna Mýewil bilen awtordaşlykda ýazan The Book of Elsewhere grafiki romanyna salgylanmadyr. Roman iýul aýynda çykdy we Riwziň BRZRKR komiksler seriýasynyň bir bölegi boldy. Olardan ilkinjisi 2021-nji ýylda çykypdy.
2009-njy ýylda Riwz meşhur şahsyýetleriň Long Beach Toyota Grand Prix ýaryşyna gatnaşdy we ýeňiş gazandy.
Belläp geçsek, Riwziň geljekki premýeralarynyň arasynda şular bar: “Sonik 3 kinoda” (20-nji dekabr), bu ýerde ol kirpi Şedouwa ses berdi, we Ana de Armas bilen “Jon Uik: Balerina” (2025-nji ýylyň iýun aýy).
