17–18-nji oktýabrda Aşgabatda «Ýyldyz» myhmanhanasynda Garaşsyz Döwletleriň Arkalaşygyna agza döwletleriň Zähmet, iş üpjünçilik we ilaty durmuş taýdan goramak boýunça maslahat beriş Geňeşiniň nobatdaky 37-nji mejlisi geçiriler. Bu barada Türkmenistanyň Zähmet we ilaty durmuş taýdan goramak ministrligi habar berýär.
Aşgabatda geçiriljek mejlisiň dowamynda Arkalaşyga agza döwletleriň zähmet, iş bilen üpjünçilik we ilaty durmuş taýdan goramak ulgamlarynda hyzmatdaşlygy giňeltmek, GDA-nyň ykdysady ulgamda hereket edýän pudaklaýyn hyzmatdaşlyk edaralary bilen gatnaşyklary has-da işjeňleşdirmek boýunça gepleşikler geçiriler. Degişli resminamalara gol çekiler.
Belläp geçsek, Türkmenistan 1992-nji ýyldan bäri GDA gatnaşyjy döwletleriň Zähmet, migrasiýa we ilaty durmuş taýdan goramak boýunça maslahat beriş geňeşiniň agzasy bolup durýar.
