5-nji oktýabrda Türkmenistanyň Amerikanyň Birleşen Ştatlaryndaky ilçihanasynda türkmen diasporasynyň wekilleri bilen duşuşyk geçirildi. Duşuşyk ýurdumyzyň Garaşsyzlygynyň 33 ýyllygyna bagyşlandy.
Duşuşygyň barşynda 24-nji sentýabrda geçirilen Türkmenistanyň Halk Maslahatynyň mejlisinde kabul edilen çözgütlerde beýan edilen ýurdumyzyň ösüşiniň möhüm ugurlary ara alnyp maslahatlaşyldy diýip, Türkmenistanyň Bilim ministrliginiň saýtynda habar berilýär.
Duşuşykda çykyş eden Türkmenistanyň bilim ministriniň orunbasary Azat Ataýew bilim ulgamynda özgertmeleri dowam etdirmegiň we ýokary okuw mekdeplerini halkara standartlaryna laýyklykda akkreditirlemek işlerini kämilleşdirilmegiň zerurdygyny we meseleleriň ABŞ-nyň bilim ulgamyň wekilleri bilen ara alnyp maslahatlaşylandygyny belledi.
Türkmenistanyň ABŞ-daky ilçisi Meredow çykyşynda Halk Maslahatynyň mejlisinde kabul edilen maksatnamalaýyn resminamalaryň raýatlaryň durmuş-ykdysady şertlerini gowulandyrmaga, infrastrukturany berkitmäge hem-de halkara hyzmatdaşlygy ösdürmäge gönükdirilendigini belledi.
Diasporanyň wekilleri Halk Maslahatynda kabul edilen çözgütleriň Türkmenistanyň mundan beýläkde ösüşine we durnuklylygyna möhüm täsir edýändigi aýratyn bellediler.
Mundan başga-da, duşuşyga gatnaşyjylar Magtymguly Pyragynyň doglan gününiň 300 ýyllygynyň bellenilmegine bagyşlanan çäreleri ara alyp maslahatlaşdylar.
