Geçen asyrda dörän meşhur Pink Floýd topary aýdym-sazyna bolan hukuklaryny Sony Music kompaniýasyna 400 million dollara satdy. Bu şertnama toparyň ähli ýazgylaryna hukuklaryň berilmegini, şeýle hem toparyň adyny we keşbini ulanmak mümkinçiligini öz içine alýar diýip, Financial Times habar berýär.
Pink Floýd-yň albomlaryna bolan hukuklar öň Pink Floyd (1987) Limited we Pink Floyd Music Limited-e degişli bolup, geçen ýyl 50 million dollar girdeji getirdi.
Bu şertnama toparyň döredijilik mirasyna gözegçiligiň iri ses ýazyjy kompaniýanyň gözegçiligine gutarnykly geçirilendigini görkezýär.
Ondan öň Sony Music XX asyryň başga bir meşhur toparynyň – Queen-niň aýdym-sazyna hukuk gazanypdy. Şol geleşigiň bahasy 1 milliard dollar bolupdy.
