3-nji oktýabrda Günde 2017-nji ýyldan bäri iň güýçli partlama bolup geçdi. Bu barada RYA-nyň Kosmos gözlegleri institutynyň Gün astronomiýasy barlaghanasy habar berdi.
Partlama Aşgabat wagty bilen 17:00-da Gün diskiniň merkezi böleginde hasaba alyndy. Oňa X9.1 derejesi berildi we bu ony soňky ýedi ýylda şeýle uly hadysalaryň birine öwürdi. Soňky gezek şeýle ululykdaky (X9.3) partlama 2017-nji ýylyň 6-njy sentýabrynda hasaba alyndy.
Alymlar hadysanyň güýjüne garamazdan, Gün plazmasynyň Ýere tarap göwrümli zyňyndylarynyň ýokdugyny bellediler.
Hünärmenler 2-nji oktýabrda bolup geçen partlamanyň Günüň bu böleginde plazma ätiýaçlyklaryny “boşadandygyny” we “täze partlama üçin kosmosa zyňar ýaly zat ýokdugyny” çaklaýarlar. Eger olaryň çaklamasy nädogry bolsa, zyňyndy 6-njy oktýabra geçilýän gije Ýere ýetip biler.
Mundan başga-da, barlaghana partlamalaryň umumy täsiriniň dört güne çenli dowam edip bilýän magnit tupanlaryna getirip biljekdigini bellediler.
