“Çirkin ses” sleşer-franşizasynyň dowamy çykar: seriýadaky ýedinji film 2026-njy ýylyň 27-nji fewralynda ekranlara çykar. Bu barada aktrisa Niw Kempbell we režissýor Kewin Uilliamsona salgylanýan Deadline habar berdi.
“Çirkin ses 7” Spyglass Media-nyň we Paramount-yň tagallalary bilen bir wagtda bütin dünýäde çykar. Filme ilkinji dört franşizanyň we “Geçen tomus näme edeniňizi bilýärin” filminiň edebi esasyny ýazan Uilliamson režissýorlyk eder. Şeýle-de bolsa, ýedinji bölümiň edebi esasynyň awtory Gaý Býusik, “Çirkin ses 6-nyň” awtory bolar.
Sýužetiň merkezinde nobatdaky gezek Niw Kempbelliň janlandyrmagynda Sidni Preskot bolar. Asyl trilogiýanyň beýleki aktýorlarynyň: Korteni Koksyň we Patrik Dempsiň hem keşplerine gaýdyp geljekdigi barada gürrüňler bar.
Şeýle-de, taslamanyň üstünde Project X Entertainment-den Jeýms Wanderbilt, Uillýam Şirak we Pol Naýnşteýn, şeýle hem Radio Silence topary bar.
Başda “Çirkin ses 7-niň” režissurasyna Kristofer Lendon jogapkärdi, ýöne Jenna Ortega oňa gatnaşmakdan ýüz öwrenden soň, ol taslamany terk etdi. Ozal bu taslamadan Melissa Barrera boşadylypdy.
