Toyota dürli modellere niýetlenip döredilen benzin turbo hereketlendirijileriniň täze neslini synagdan geçirip başlady. Hereketlendirijileriň esasy aýratynlygy bary-ýogy 2,0 litr göwrüm bilen ýokary kuwwatynyň bolmagydyr.
Synag birnäçe awtoulagda geçirilýär diýip, IXBT habar berýär.
Birinji synag ulagy - Hilux pikapy. Bu awtoulaga oturdylan hereketlendiriji 6 tizlikli mehaniki geçiriş bilen birleşdirilip, 300 at güýjüni öndürýär we minutda 6200 aýlaw (gyzyl zolak) edýär.
Synagdan geçýän ikinji awtoulag - 400 at güýji bolan hereketlendirijili we 8 tizlikli awtomat transmissiýasy bolan Lexus IS. Bu hereketlendiriji minutda 7100 aýlawa çenli ýetýär.
Hereketlendirijiniň iň güýçli warianty Lexus RC-de gurnaldy. Ol 600 at güýjüni öndürýär we mehaniki geçirişe birleşdirilýär. Güýçlendirilen 2,0 litrlik hereketlendirijiniň bu görnüşi sport awtoulaglaryna niýetlenendir.
Häzirlikçe täze hereketlendirijileri köpçülikleýin çykarmak barada gürrüň ýok, ýöne synaglar dowam edýär.
