Hytaýyň dolandyrylýan uçuşlar agentligi (CMSA) Aýa gonmak üçin ilkinji skafandryny hödürledi.
Iki astronawt skafandryň mümkinçiliklerini görkezdi. Ol temperaturanyň üýtgemeginden we Aý tozanyndan goraýan materiallardan ýasalypdyr.
Skafandryň şlemi şugla garşy örtükli panoramaly wizor we fokus aralygy dürli kameralar bilen enjamlaşdyrylandyr. Döşünde köp funksiýaly dolandyryş paneli bar.
Geýimiň dizaýny adaty hytaý harby enjamlarynyň stiline esaslanýar we gyzyl zolaklary bar.
Skafandryň gurluşy pes grawitasiýa şertlerinde işlemäge uýgunlaşdyrylan bolup, ekipaža rahat hereket etmäge mümkinçilik berýär.
Iki taýkonawt (kosmonawt) bilen Aýa ilkinji missiýany 2030-njy ýyla çenli ugratmak meýilleşdirilýär. Olar hemranyň üstünde alty sagat töweregi bolarlar. Ondan öň Hytaý barlag merkeziniň gurluşygyna taýýarlyk görmek üçin, 2026-njy we 2028-nji ýyllarda Aýyň Günorta polýusyna robotlaşdyrylan missiýalary ibermegi meýilleşdirýär.
