Ford Motor kompaniýasy 2025-nji ýylda Focus modeliniň önümçiliginiň tamamlanýandygyny resmi taýdan yglan etdi diýip, tarantas.news ýazýar.
Kompaniýanyň başlygy Jim Farli CAR žurnalyna beren interwýusynda maržinal we imij modellerine ünsi jemläp, “içgysgynç awtoulaglardan” dynmak isleýändigini belledi.
Ýewropada Ford müşderilere krossowerleri we Mustanglary hödürlemegi meýilleşdirýär. Esasy ugurlaryň arasynda Ford Explorer-iň täze nesillerini we Focus-yň mirasdüşeri boljak Ford Capri elektrik krossowerini öz içine alýan Volkswagen platformasyndaky elektrik ulaglaryny ösdürmek göz öňünde tutulýar.
Elektrik ulaglaryna bolan islegiň azalýandygyna garamazdan, Ford içinden otlanýan hereketlendirijili ulaglaryndan daşlaşmagy maksat edinýär we Focus-yň ömrüni 2025-nji ýyldan soň uzaltmak meýilnamasy ýok.
