Angliýanyň “Mançester Siti” klubunyň norwegiýaly hüjümçisi Erling Holandyň transfer bahasy 180 mln ýewrodan 200 mln ýewro çenli ýokarlandy. Bu barada Transfermarkt portaly habar berýär.
Öň, 24 ýaşly Holand baha boýunça birinji orny “Realyň” üç futbolçysy – angliýaly Jud Bellingem, braziliýaly Winisius Žunior we fransiýaly Kilian Mbappe bilen paýlaşýardy. Ýöne reýtingiň täzelenen görnüşinde norwegiýaly oýunçynyň transfer bahasy ony dünýäniň iň gymmat futbolçysyna öwürdi.
Holandyň “Mançester Siti” bilen häzirki şertnamasy 2027-nji ýylyň iýun aýyna çenli hereket edýär. Ol topar üçin 2022-nji ýylyň tomsundan bäri çykyş edýär. Oýunçy “Siti” üçin ilkinji möwsüminde Angliýanyň premýer-ligasynyň netijelilik rekordyny täzeledi we topar bilen Çempionlar ligasyny, Angliýanyň çempionatyny we Kubogyny utdy.
Ol möwsümiň jemi boýunça Ýewropanyň Futbol Assosiasiýalarynyň Birleşigi (UEFA) tarapyndan iň gowy oýunçy we Angliýanyň premýer-ligasynyň iň gowy oýunçysy diýlip ykrar edildi. Häzirki möwsümde Holand “Mançester Siti” üçin sekiz oýna gatnaşyp, 10 gol geçirdi. Onuň hasabynda jemi topar üçin 106 oýunda 100 gol we 14 assist bar.
