Disney kompaniýasy Disney+ akym hyzmatynda “Tapmaça 2”multfilminiň rekord goýandygyny habar berdi. Ol 25-nji sentýabrda onlaýn kinoteatrda çykandan soň bäş günüň içinde 30 mln tomaşa ýygnady.
Bu 2021-nji ýylda “Enkantonyň” premýerasyndan bäri hyzmatyň iň gowy netijesidir.
“Tapmaça 2” diňe bir ABŞ-da däl, eýsem halkara bazarlarynda-da ýokary netijeleri görkezdi. Ýewropada, Latyn Amerikasynda, Ýakyn Gündogarda we Afrikada hem multfilm öz bäsdeşinden öňe geçdi.
Multfilmiň global premýerasy 2024-nji ýylyň 14-nji iýunynda boldy. Prokatyň üç aýynda “Tapmaça 2” 1,69 mlrd dollardan gowrak girdeji gazanyp, kino taryhynda iň girdejili animasion film boldy.
